【楚雲聲】對手一大堆BB！「奇妙日」轉倉初出唔使估（Cloudy）
蘋果日報 2019/12/17 19:50
轉倉初出Cloudy奇妙日楚雲聲谷草第二場
奇妙日（近）曾於今次所跑的四班谷中1000米上名
兩星期前，我拍咗條「閃電小精靈」嘅片擺上網，反應唔差，不過條飛就好明顯錯晒，全部（馬匹於12月4日谷草夜賽）上名都完全贏唔到錢。
仲有當晚莫雅輸埋嗰兩分得亞軍，佢有獎金我就搣飛。
聽晚（18日）谷草第二場四班1000米再見到「閃電精靈」出，我個心或多或少係有丁點唔舒服。你知啦！我真係有啲記仇......
「閃電精靈」即使係好馬，都有啲加分頂磅換人外檔嘅因素挑剔吓佢，只能夠將隻三歲仔擺去做腳。咁膽呢？
我鍾意「奇妙日」，近排都幾fit，keep住有獎金，上次1200米放到咁急都斷唔晒，今次縮番落1000米更啱發揮。
上名率咁低兼轉倉初出本身就估估吓，但係轉配備試課閘幾醒神，薛恩再摸多課，仲要有番季內上名形勢兼對手弱咗，要佢做膽都好。
對住一大堆未開竅嘅BB，可以同佢認真較量嘅馬少之又少。
仲有嗰兩隻腳就「多姿多財」同「開心好友」，晨操跳落幾輕身同幾暢順。