現年37歲嘅韓國女團After School前隊長嘉熙，前年結婚後，於同年10月一索得男，組織一家三口幸福家庭。

而嘉熙去年12月宣佈懷第二胎，喺懷第二胎期間，嘉熙不時喺Instagram晒大肚相，日前又挺住大肚同老公及大仔去玩，好不溫馨。而根據今日韓國傳媒報道，嘉熙於韓國時間今日凌晨5時平安誕下次子，愛兒體重有2.75kg(約6.05磅)，母子平安。

另外，韓劇《錢的戰爭》40歲女星朴真熙早前頂替高賢貞，飾演劇集《Return》女主角，拍劇前朴真熙已經宣佈正在懷孕。朴真熙於2014年同年輕5歲嘅法官老公結婚，並於同年11月生咗B女，而今日凌晨3時朴真熙再增添新成員，為老公誕下慈姑掟。其所屬事務所透露朴真熙順利誕B，現時母子平安同健康，感謝大家關心。

更多韓流，喺晒《娛果》
http://fb.com/appledailyent