【揀劇本復出】關詠荷等家輝讓期湊女：唔可以爸媽都唔見人

蘋果日報 2017/02/11 16:37

娥姐陀槍師姐關詠荷
  • empty
  • empty
    講到想演咩角色，關詠荷話o依家可以演媽媽喇。
  • empty
    之前觸傷腰部舊患，新年冇乜出過街。
  • empty
    兩公婆是但一個要陪住囡囡，爸爸媽媽是但一個要喺屋企。（資料圖片）
  • empty
    關詠荷做咗成人奶粉代言人，今日喺將軍澳為品牌宣傳，分享健康飲食要訣，又同現場長者耍太極。
    今個農曆新年關詠荷受腰傷舊患影響，搞到要帶腰封，佢話：「今個新年真係麻麻地，過年前扭傷腰肌肉，到初五六左右差唔多好返就感冒菌落腰，日日帶住個腰封，成個新年都冇乜出去。呢個屬於舊患，上年初都因為咁入咗院幾日，希望唔好再發生。」關詠荷透露扭傷防不勝防，整親都冇刻意話俾老公張家輝知，所以o依家要學習慢活，唔好因為自己性格急影響囡囡。
    關詠荷以前喺電視劇《陀槍師姐》嘅女警角色娥姐咁經典，大台有冇搵過佢復出拍劇？關詠荷話：「冇呀，o依家又有奇妙電視，搵到有安排再算啦，但呢排唔得，家輝要開工，我哋講好咗唔可以爸爸媽媽都唔見人。」
    關詠荷話再次出山拍劇要睇劇本，仲話囡囡都11歲，唔介意演媽媽角色，咁家輝反唔反對再拍劇？關詠荷話：「如果劇本正唔會反對，會商量，大家一家人，我都好幾年冇拍嘢，最驚體能應付唔到，再拍嘢好似新人，好多嘢要學。」