【李八方online】余德寶召喚寫信師 慰問8.31遭推跌孕婦
蘋果日報 2020/09/04 13:54
余德寶
資料圖片
好多人見到日前8.31警察推跌孕婦馮太一幕都嬲到爆炸，同時亦好關心馮太同BB嘅情況。幫助馮太馮生嘅油尖旺區議會副主席余德寶明白大家嘅心意，決定收集大家嘅問候轉達畀馮太馮生。
余德寶尋日開始收集大家寫畀馮太馮生嘅信，大家想用電郵或者郵寄都得。佢同八方講，雖然開始咗收信只係一日，但係電郵都已經收到廿幾封，大部份都係祝福馮太同BB健康，當然亦有唔少人鬧爆差人執法無理啦。而余德寶亦約緊馮生喺後日（9月6日）見面，一次過將大家嘅祝福同問候交畀馮生。
至於馮太馮生嘅現況，余德寶話馮生仲休息緊，至於馮太嘅心情就一般，尤其呢幾日喺網上遭到攻擊。講緊嘅咪就係工聯會陳穎欣咯，一講起陳穎欣喺網上啲謬論，余德寶都扯火話真係可恥、滅絕人性，事關差人推跌孕婦本來就唔值得嘉許，點知陳穎欣呢啲建制派仲要加多腳，不譴責警方做法之餘仲要blame the victim（怪責受害者）。
余德寶（右）話馮生（左）仲休息緊，至於馮太嘅心情就一般。資料圖片
-----------------------------
《蘋果》英文版免費試睇：了解更多
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！