【請投票】步步友 / 友瑩格
你揀邊隻做馬王?

蘋果日報 2015/06/25 00:00


世事總係峰迴路轉,政改得八票贊成,事前一定諗唔到。對馬迷嚟講,亦發夢都諗唔到黑衣巨人「步步友」居然會喺英國輸條街。本來佢唔去英國,維持完美賽績,已近乎做硬今季馬王,但家陣輸咗,唔少人覺得「友瑩格」有得爭吓,畢竟「格格」係首匹一季內於三地國際一級賽勝出嘅香港馬。
不過話雖如此,「步步友」嘅擁躉仍極多,好似「澳斯卡」馬主蕭劍新、「包裝」系馬主李文斌,仍然力撐「步步友」做馬王。
最可惜馬會只畀馬迷選「最受歡迎馬匹」,冇得選香港馬王,不過《蘋果》就搞個馬王投票,畀你做老板有得揀,除咗以上兩隻,大家會唔會有其他選擇,例如「威爾頓」贏香港盃及香港金盃,都好厲害。歡迎踴躍參加,即管睇吓大家嘅投票結果,最後同馬會選出來嘅馬王,究竟有冇出入。

【手機用戶請按此投票】 http://hk.apple.nextmedia.com/realtime/racing/20150624/53892261

馬主意見:

「澳斯卡」馬主蕭劍新:「『步步友』和『友瑩格』今季表現優秀,各有做馬王的理據,真是好難揀。如果真是要選,『步步友』秤先少少,因為此駒在港每仗所展示的段速實在太驚人。」

「包裝」系馬主李文斌:「我會選『步步友』,雖然牠首次出外遠征落敗,但只因不太適應英國,可以原諒,牠在港所取得的成就,足以令牠成為馬王。」