當年今日
關於我們

【大熱天時著褸】粗腰Moka帶雙親遊海洋公園 曬到臨門即撇

蘋果日報 2018/09/27 13:20

郭富城海洋公園Moka

自言鍾意企多人嘅郭富城,依家又Pump大老婆方媛個肚,兩年抱兩,最開心一定係郭媽媽。一向孝順嘅城城,做咗咁多年浪子,但想到母親年事已高,都想享受下湊孫樂,所以遇到Moka方媛之後,話咁快就決定結婚生女。老婆生完之後啱啱回氣,城城又繼續努力,好快郭家城堡又多一名猛將。
城城對家人好細心,囡囡出世之後,城城就喺佢哋現住、位於大坑嘅豪宅,再租同棟低層連空中花園嘅單位,俾Moka雙親來港住,方便湊孫,亦可以幫輕郭媽媽。Moka父母都係大陸人,嚟香港當然要周圍行下睇下,日前兩老又出動,同行仲有Moka同孫女,俾周刊影到佢哋一行人浩浩蕩蕩出遊,但目的地唔係去圓方,而係去大陸旅客同樣熱愛嘅海洋公園。
專心安胎嘅Moka,依家仲未明顯見肚,但鬆身衫掩映下見到條腰係粗咗,大熱天時仲加件牛仔褸喺出面,唔知係覺得凍定係想遮肚啦。而且出出入入期間Moka都好少抱女,但梳咗三個噴泉頭嘅囡囡就係咁扭抱抱,相當趣致。
不過因為當日真係好熱,本來一行人諗住去海洋公園,但去到公園門口,實在太曬,Moka爸爸直頭曬到面容扭曲,最後Moka放棄,召喚司機舉家打道回城堡。
此外,中秋節當晚,Moka都有貼新相上微博——不過係古裝嘅,Moka解釋番:「#月滿中秋#中秋節快樂!今天陪爸媽出去轉轉,碰到一家拍古裝的影樓,我媽想拍,那我也順便陪她來一套留個紀念,爸媽開心我就開心,不過我這個造型是不是有點太簡單了點,還能不能再弄好看點了。」
empty
Moka係咪都中咗《延禧》毒呢?