孔子同耶穌曾經講過「世上只有媽媽好」（好似係），所以每逢母親節各位孝順仔女都會隆重其事，又送花又親親媽咪，雖然主要都係呃like，但留低嘅都係一份心意，不過呢份心意就好似唔輪到爸爸去領喇，唔知點解喺一個家庭入面，阿爸都總係被冷落嘅一個，於是記者就訪問咗一班呷醋爸爸。

其中有位先生嘅子女講明母親節同父親節一次過慶祝，慶祝完母親節，父親節就唔得閒，他笑言當日要「食自己」。

至於問到嚟緊有乜節日，小朋友嘅答案就層出不窮，排名不先後，分別有「七一」、「聖誕節」、「暑假」同「動漫節」 等等。

不過無論點都好，正所謂「世上只有媽媽好，宇宙就有爸爸好」，大家喺父親節都陪吓老竇，早啲同佢飲茶，窒少幾句當做禮品。其實過時過節最緊要都係一家人齊齊整整、開開心心，祝天下爸爸父親節快樂！

記者：黎雋宇
攝影：周芝瑩

想隨時獲得更多親子資訊，快啲like Easy PaMa Facebook啦！
https://goo.gl/1qWM8g