在近三十度的高溫下，一眾孩子無懼酷熱，甫進入海洋公園便東張西望，拿着地圖急不及待地搜尋「目標地方」，當他們見到海洋公園的親善大使威威海獅出現時，更一窩蜂擁上前爭相與牠拍照留念和握手。
四歲的阿兒高興地嚷着：「嚟海洋公園玩，好開心，好想快啲見到海豚同埋睇熊貓吖！」
節衣縮食過活
看見女兒興高采烈的表情，四十歲的黃太娓娓道來：「呢個暑假，經濟又唔好，一家大細出街玩又要使錢，所以我哋都冇周圍去，平日都係留喺屋企睇電視或者去公園玩，總之慳得就慳，𠵱家可以免費嚟海洋公園玩，梗係開心嘞！」
黃太育有兩名分別四歲及十歲的兒女，其夫在酒樓的廚房部工作二十多年，惟入不敷出，每月除了繳付基本的伙食開支之外，還要應付孩子的書簿雜費，須節衣縮食過活，更遑論與兒女外出消費娛樂。今年四月開始，他們向社會福利署申請綜援，助減輕家庭的經濟負擔。
家境清貧的她向記者說：「啲細路成日同我講話好想去海洋公園玩，但係來回車費同埋入場費要成幾百蚊咁貴，邊度負擔得起，之前為咗要買部電子辭典畀佢哋學習用，我都要儲咗好耐錢先買到。」