無綫前資深演員江漢（姜永明）本月初病逝，享年79歲，其家人今日為江漢在紅磡世界殯儀館設靈。

唐佳與妻子雪妮、黃文慧、謝月美、苗金鳳、方平與妻子鮑起靜、無綫監製王心慰、鄭敬基等相繼出席今日的追思會，江漢叔曾表示喜歡鄭敬基所唱的《烈火雄心》主題曲《兩脅插刀》。

鮑姐及方平送上花圈致祭，兩人約於晚上7時到場鞠躬，鮑姐甫到場已經雙眼通紅、眼泛淚光，方平指16歲時已經認識江漢叔：「嗰時藝員訓練班，我哋乜嘢都唔識，佢就帶住我哋食飯打波。」

鮑姐表示：「最記得我哋拍咗一套戲係講監獄，叫《我來也》，其中一場有對手戲。我哋細個已認識，佢大我11年，我入行時佢已經係大明星，佢同我屋企人係世交，食完飯之後都會同我啲兄弟姊妹一齊玩，好close，反而大咗就少咗合作。佢好親切，好似大哥哥咁，喺佢身上學到好多嘢，佢唔講人是非，唔會批評人，只會鼓勵同講啲讚美嘅說話。」