臨近年尾，到公立醫院求診病人迫爆，醫管局主席梁智仁今午分別到廣華醫院和將軍澳醫院視察急症室、內科病房和護士站等服務情況，並探訪前線醫護員工。他向急症室醫護人員問候「係咪好忙呀，靠你哋啦，冇咗你哋搞唔掂」，又稱「有咩需要同我哋講，總部會支援你」。有醫生回應指「好辛苦，做到我都病」，又稱雖然近日急診室求診人數稍跌，但須留院病人有所增加。

梁智仁巡視醫院後指，全港醫院已加開1600床短期和臨時病床，會視乎冬季流感高峰期情況，再決定會否加開病床。他指近日公立醫院求診情況嚴峻，到急症室求診人數平均為5000多人，但住院人數則約1000人，反映受人口老化，病人情況比過往差。住院人數增加，有醫院需把病床擺到走廊位置，但梁智仁指經巡視後，認為不影響日常運作，舉例如將軍澳醫院「設計得唔錯，都擺得好整齊」。

住秀茂坪鄭太帶同15個月大的女兒今午到將軍澳醫院求診，她指女兒由23號發燒至今，今早體溫一度升到41度，被分流為第三類「緊急」，在急症室等候約半小時後才獲診症，現需等候驗尿報告。鄭太稱女兒曾看過私家醫生惟病情未有好轉，今早本打算到廣華醫院求診，但被告之要等候8小時，隨即離開轉到將軍澳醫院。

77歲的呂生稱由昨腳痛至今，今早11時到將軍澳醫院求診 ，輪候逾4小時仍未獲診症，「齋坐，食又冇得食，又唔看有冇得睇」。呂生對此強烈不滿，更一度激動爆粗，「麻X煩，等得來咁不如就死畀你睇」。