韓國男星安宰賢今晚應邀出席MaxMara旗艦店開幕，大批粉絲瘋狂喪叫，安宰賢由多名保鑣護住到場，認真架勢，佢話今次係第四次來港。

問到有冇留意金秀賢新劇《製作人》，其經理人就透過翻譯表示佢唔想回答。咁佢自己嚟緊有乜新劇？安宰賢表示新劇剛播完，嚟緊同Fansmeeting，同時間亦睇緊劇本，睇下有乜發展。問佢最想挑戰乜嘢角色？佢話自己唔會揀角色，有乜角色都盡力做。

咁最例牌問題，問佢想同邊位香港或韓國女星合作？安宰賢都冇回答。現場有粉絲戴住面具撐偶像，問安宰賢覺得點？佢話：「好開心，佢哋咁熱情支持自己。」講到南韓驚爆新沙士，問安宰賢知唔知？佢話自己工作好忙，嚟香港時候，韓國天氣好好，唔知呢單新聞，唔好意思。