一向係「好好嗲哋」嘅吳啟華唔使拍劇，必定陪住個6歲大嘅囡囡吳熙兒，不過，今早吳啟華忽然喺微博宣佈離婚，仲有傳佢同老婆石洋子已經分居咗3、4年，搞到外界都好關心佢哋一家三口嘅家庭狀況。

翻查過微博，發現吳啟華囡囡吳熙兒原來喺微博有一個專頁叫「開心的冬妮」，由2010年開始，分享熙兒嘅成長過程，擺咗好多熙兒細個嘅相，仲有唔少吳啟華同石洋子帶囡囡出街嘅合照，連好多星級媽咪李嘉欣、蔡少芬、張栢芝官方微博等，都有關注呢個專頁。

睇落一家三口嘅家庭生活都好幸福，即使傳出兩公婆感情亮紅燈，都冇影響囡囡日常生活，石洋子亦都任由囡囡嘅微博分享，佢哋嘅合照，母女之情相處融洽，石洋子又唔似唔顧家嘅媽咪，估計石洋子都只因為微博以工作性質為主，先唔擺囡囡相。