當年今日
關於我們

  三大名嘴砌低大專精英 - 李八方

蘋果日報 2002/03/13 00:00


昨日港台搞咗個《大專辯論賽2002──名嘴精英牙骱戰》,搵咗蕭若元、施永青同埋陶傑三位名嘴,同大專辯論賽以前得獎嘅代表砌過,題目重係近排城中熱話《公務員減薪係明智之舉》,整個牙骹戰過程真係火花四起。
正方嘅大專精英隊話基於經濟困境同政府財赤,公務員應該接受減薪,但係反方嘅蕭若元劈頭一句就話「正方解題都解錯!」陶傑重抵死,將政府比喻為一個無能嘅老竇,要公務員減薪就好似老竇賺錢無方,於是就要個仔食少碗飯,引得全場大笑。雖然大專精英隊好似捱打咁,但結果係兩隊平手和氣收場。賽後蕭若元同八方講大專精英隊解題功力未夠,邏輯思維訓練也不足。至於大專精英隊都認為要學習名嘴嘅雄辯同快速反應,但就話名嘴嘅辯論方式唔夠正統喎!
(圖)港台舉行嘅名嘴同大專精英辯論牙骱戰,過程精采絕倫。


E-mail:[email protected]