何良呢兩季都冇連捷馬,好似之前喺240場次跑四班直路賽easywin嘅「太陽雄心」咁,兩個禮拜後原庄配搭再戰同班同程竟然連P都冇,你都咪話唔邪。相信冇練馬師想冇連捷馬,今次何良一於出夠三隻新勝馬「明威」、「童夢」同「一哥」,其中頭場五班直路草地「明威」及四場四班泥地1200米泥地「童夢」過往都喺路程上有過證明,至於「一哥」則今仗初增程至1400米,但父系Keeper子嗣多有一哩長力,所以1400米對「一哥」應冇問題。而今朝呢三匹馬都由出賽騎師做最後試跑,當中「明威」同「一哥」仲一齊拍咗課草閘,咁積極,睇嚟何良都係想打破宿命。