DBC數碼電台將會喺今個月7號結業停播，為DBC主持逢星期日《越界傾情》節目嘅吳綺莉，今日就返電台為最後一集節目錄音。吳綺莉今日喺電話度話:「今日last day，完咗啦。」

吳綺莉話節目結束當然唔捨得，為咗紀念節目最後一集，佢特登請咗位同廣播界嘅前輩做嘉賓，佢話:「我自己諗住請個同電台廣播有關係嘅，所以今日請咗阿旦(鄭丹瑞)，我9年都唔玩facebook，今日都玩埋live。」

問佢電台賠償係咪賠足？吳綺莉話:「應該係嘅，出番晒啲糧計清晒，同事話13號應該會出番晒所有錢。」吳綺莉曾經為成龍生咗小龍女，而家成龍獲奧斯卡頒發終身成就獎，問吳綺莉會唔會講幾句或者恭喜佢？吳綺莉就話:「唔答啦。」