𡃁界名模Angelababy籌備了一年多的寫真集前日推出,昨日她到觀塘2%舉行簽名會,吸引數十名fans排隊,當中不乏男性支持者。但由於塞車關係,Angelababy遲到30分鐘才抵達,至於前Krusty成員張詠恩則以2%公關身份送紀念品給Angelababy。
今年書展,不少女藝人均推出寫真集,問Angelababy會否視身材豐滿的趙碩之為勁敵?她說:「我同佢冇得比,大家身形都唔同,揮低邊個就唔敢講,大家都有唔同人鍾意。」她又表示由出世至今,體重從未超過100磅,故此她最希望成功增磅,平日她已一日吃數餐,但仍然食極唔肥。