離島馬灣田寮新村村民投訴，村屋多個地下單位，被人用作經營食肆，令環境衞生極為惡劣，其中多家食肆更屬無牌經營，村民曾向食物環境衞生署投訴，但情況卻沒有改善，只好向傳媒求助，以引起當局關注。

田寮新村居民向本報投訴稱，田寮新村原本是寮屋，近年經重新規劃，建成多幢三層高村屋，但不少地下單位開設食肆，造成環境衞生問題。

村民投訴但無改善
居民不滿說：「馬灣呢度個大型屋邨𠵱家重起緊，有好多建築工人做嘢，所以好多村屋都俾人用咗嚟做食肆，做呢啲工人嘅生意，搞到呢度衞生好差！」
「除咗成地水，嗰啲垃圾同食物殘渣通地都係，好易孳生蚊蠅；煮嘢嗰陣又發出好大陣油煙；枱椅隨處擺喺通道，我哋村民住喺啲食肆樓上同隔籬，真係好受滋擾！」
村民質疑，其中最少四間食肆未獲有關政府部門發出食肆牌照，他曾就此情況向食物環境衞生署投訴，可是環境衞生一直沒有改善，他惟有轉向本報反映，盼該署盡快處理。
荃灣葵青地政處發言人回覆本報查詢稱，在上述村屋設置食堂或食肆，並沒有違反有關地契條款，但業主或租客必須向食物環境衞生署申請食肆牌照。
荃灣葵青地政處已將有關環境衞生的投訴，轉介食物環境衞生署跟進。