中大中國語言及文學系高級講師歐陽偉豪（Ben Sir），經常上電視教授粵語知識，上月宣佈於九展舉行Talk Show《Ben Sir開Show》，門票極速售罄，並加開今晚（6月25日）的場次。約100名持票觀眾晚上準時到達九展場地，始發現演出早改於上周五進行，持票人士一度鼓譟，有人報警求助，現時由現場快達票職員協助下進行退票登記手續。

持票觀眾巢小姐表示，所有人原本打算高興入場睇騷，但到場竟發現改期，「主辦單位係完全冇通知我哋」，稱要求負責人出來交代不果，於是有人報警。她指警方到場調停後，快達票職員承諾辦理退票，「但佢話要我哋即日搞，唔係就冇得退，成班人就排隊排到而家（九時三十分），差唔多成場Show時間。」

有觀眾表示，主辦方星夢娛樂無就改期通知購票人士，事後發現只在個別網站公佈改期消息，「Ben Sir Facebook只係得5月16號講過一次，之後就冇再提過」。有人質疑「點解上次黎明改期可以通知得咁好，你星夢就做得咁差」，亦有人批評「加場就大大聲，改期就粒聲都唔出」。

有觀眾不滿主辦方的退票手法，「你法律上肯退票係無問題，但九展咁遠，好多人住新界都特登過嚟，你嘥我哋時間，負責人又唔出嚟解釋，你係用啲咁嘅態度對Fans嘅咩？」

星夢娛樂發言人表示，宣佈改期當日已在主辦單位Facebook及快達票網作出通知，「點解有人知但佢哋唔知」，認為做得足夠。