當年今日
關於我們

霆鋒提起王菲笑咪咪仲想話搵第二春

蘋果日報 2014/03/21 06:00

謝霆鋒王菲十二道鋒味

謝霆鋒噚日喺杭州為之前係歐洲拍攝嘅飲食節目《十二道鋒味》做宣傳,節目未出宣傳已經十足,係記者會下麵,霆鋒嘉賓有大曬示冷,不過係人都知有范冰冰、趙薇、張家輝,咁啱舊愛王菲又係巴黎,梗係有人追問霆鋒有無順便搵阿菲做其中一集嘉賓,當霆鋒一聽到阿菲個名,就異常敏感,一路都CEO上身,講到頭頭是道,王菲個名一彈出來,佢就語塞,而且無黑面,只係低頭微笑,似乎好受落喎!之後,個話題被問到感情,霆鋒仲話想搵個人安定落來,唔通霆鋒有目標?

離婚之後,霆鋒開始學煮嘢食,經常親自下廚煮俾拉姑,謝賢食,阿妹婷婷都有份,所以霆鋒係記者會上面話,自己因為煮嘢食搵番親情:「我不是一個擅長講話的人,過去的三十幾年,我跟我媽媽的關係從來沒有這麼靠近過,透過做菜我跟家人靠近很多。」除咗親情,霆鋒話今次做節目都體現到老豆謝賢的一句說話,原來四哥曾經對霆鋒講過:「一個男人真正的財富,未必是你銀行裡的錢,而是你用一隻手可以數過來的朋友。這次好多影壇樂壇的好朋友都來捧場,我覺得自己真的很富有。」


爛片界盛事、由本報娛樂版舉辦嘅第九屆「金話梅電影選舉」(GoldenPlum)又嚟喇!請即click入網址投票,喺香港電影金像獎舉行之前選出爛片之霸!
↓↓↓
http://campaign.appledaily.com/goldenplum