關之琳(之之)、鍾楚紅、名模周汶錡(Kathy)、Lisa S.及馬詩慧與兩名女兒等,昨晚在銅鑼灣出席品牌Roger Vivier的店舖開幕禮。
之之剪了一頭短髮亮相,顯得後生不少,近日林青霞復出演出真人騷,之之表示沒有興趣,她說:「都有好多人搵都推咗,好似今日呢類活動簡單就可以,做節目係做出嚟唔係真嘅生活,我唔需要咁樣生活,錢打動唔到我,反而一個好劇本仲可以打動到。」
今個月底就53歲的之之表示會在香港慶祝,希望跟一班朋友度過。被問到男朋友、台灣富商陳泰銘會否借機求婚時,她笑說:「冇,冇期望求婚。」一向少談政治的之之前日忽然在網上對閱兵表態「祖國萬歲萬歲萬萬歲」,她說:「朝早起身望到,覺得好感動所以寫咗,都係寫自己感覺。」
鍾楚紅以黑色長裙高貴現身,她表示跟大美人之之每年都有一兩次機會碰頭,她說:「佢(之之)先係大美人我唔係,有人搵都推咗,如果同環保有關都可以諗喎,不過有冇咁着數呀。」她笑言可以拍一下種樹、行街市買菜、買海鮮,不過未必有人肯和她一起拍,因為太辛苦。