王菀之今日喺商台宣傳新歌《沉默的士高》，今次係佢第三次執導：「對我嚟講係個挑戰，因為個拍攝陣容係電影級，我都好想將來可以拍電影，所以都想透過呢啲短片學習。」佢話個MV拍咗22個鐘，又請嚟8個演員參與：「好多電影同舞台劇演員，好似梁祖堯、蝦頭（楊詩敏）同湯駿業呢啲好朋友。」

王菀之坦言呢個MV製作費好貴，係平時拍MV嘅5倍價錢。另外，佢下月個將會舉行2場音樂會，王菀之話：「同事話我好鍾意去旅行，所以搞個同旅行有關嘅音樂會《下北沢的北極光》，但係我要喺啲舊電話入面搵返啲相，但係我無咗個密碼，大家幫我諗吓辦法呀。依家冇晒一半嘅旅程，好sad，唯有再去過啦。」

精選娛聞，喺晒《娛果》
http://fb.com/appledailyent