曾出演韓國人氣親子節目《超人回來了》嘅秋小愛同老竇秋成勳，近日小愛聯同爸媽一齊出演SBS綜藝節目《秋可愛一家出發喇》，仲遠赴到蒙古進行拍攝。

喺今日播出嘅一集中，小愛媽矢野志保見到蒙古少年即時有感而發，話自己想再生多個，仲想要個囝囝。講講吓矢野志保唔知係唔係憶起流產之痛，仲感觸落淚。

而矢野志保就非常喜歡那個蒙古少年，大讚佢靚仔，亦都表示會視佢為兒子一樣，不過身旁嘅小愛見到母愛被分薄，即時大感嫉妒，又表現得嬲嬲豬，仲做出唔同行動嚟吸引母親注意，但見母親唔多理會，小愛就即時搵佢嘅「前世情人」、老竇秋成勳，仲攬實爸爸喊咗出來，認真可愛。