雙子座──非常聰明，但個性搖擺不定，追求多變，正是投資大忌。
巨蟹座──成日冇安全感，寧願將錢買基金，甚至儲入銀行，都唔想冒風險，投資只佔個人理財好少部份。
獅子座──性急，要佢冷靜研究先出擊入市，幾乎冇可能。之不過，富貴對於佢哋如浮雲，但權力、名利更緊要！
處女座──有精算師一樣嘅頭腦，數口精動作又靈活，奉行「價值投資法」嘅股神畢菲特就係成功例子。
天秤座──比較懶，最鍾意聽八卦消息，問人有乜料爆，講到睇圖表技術分析就耍手擰頭，所以好多時投資都係失敗收場。
天蠍座──意志堅定，即使炒燶股票，都可以企番起身，只係比金牛座嘅人稍微心急少少，培養耐性就得。
人馬座──粗心大意，又衰衝動，最好都係咪掂股票啦。
山羊座──本質唔錯，佔有慾又強，幾啱投資，之不過幸運程度麻麻，挫折不斷，但堅持到最後，一樣有大成就。