美元貶值係大趨勢，港元受制聯繫滙率，無奈要和美元同一命運，通脹遲早殺到，本港肯定會出現資產泡沫，相信短期股市、樓市不愁寂寞。
投資或投機都好，一定要有泡沫，否則唔好玩。預期香港資產價格仲有得升，地產股必炒。近期細價地產股追落後，爆發力強勁，遠東系及麗新系股份已有辦你睇，今日推介莊士系。
莊士機構（367）今年3月底止，每股NAV達2.27元，現價僅0.63元，折讓高達72%。集團持有多項投資及豪宅物業，家陣地產市道復蘇，每股資產淨值更見「實淨」。

集團透過持有莊士中國（298）及勤達集團（1172）發展內地物業及墓園業務，亦有進軍越南地產。在資產價格飛升的年代，莊士機構估值勢水漲船高，現價買入持中線，目標價睇1元。
方星俠