當年今日

堅哥與你:新聞衰退期 - 葉一堅

蘋果日報 2002/01/08 00:00


記得有一次老細問我:「覺唔覺得香港九七之後,正面臨一次Newsrecession(新聞衰退)?因為回歸之後,香港已沒有甚麼大新聞可言,亦不再是全球目光所在了。」
當時心諗:「唔會啩!有人嘅地方就會有新聞㗎啦!所謂『一世唔死都有新聞聽』,新聞點會有衰退㗎?」
不過,呢排啲新聞又真係好鬼靜。一場警民「互摑風波」,一位十四歲青年練志偉,便搞到全行日日湧至他的學校,搞到人哋學都冇得返。真係罪過罪過。
現在每日都在想,在一個新聞衰退期,《蘋果》應該如何自處(自救?),可惜搜索枯腸,仍未有甚麼良方妙策。真係有啲腳軟。讀者如有高見,還請不吝賜教。


堅哥電郵:[email protected]


逢周二、四、六刊出