【唔敢挑戰霆鋒】張敬軒勁揼本 紅館騷價邀米芝蓮三星大廚掌廚
法國張敬軒米芝蓮三星大廚Bruno Menard
張敬軒勁揼本,請咗前米芝蓮三星大廚Bruno Menard加盟餐廳。
張敬軒嘅餐廳邀得前米芝蓮三星大廚Bruno Menard加盟,今日喺灣仔舉行記招。軒仔與Bruno即場鬥擺盤又合唱法國名曲《Autumn Leaves》,Bruno竟連贏兩個回合,搞到軒仔非常失威。
軒仔透露呢次係重金禮聘,早前親自到巴黎及日本力邀:「佢帶咗好多新嘢俾我哋,今次搵佢係好大嘅決定,仲大過我開演唱會。而且Bruno要求好高,好多配套要跟足,淨係米芝蓮餐廳指定用嘅碟,每隻都6、700蚊。」
咁總共要花費幾多?佢話:「佢俾我哋已經係友情價,要包食包煮,加埋啲配套,一場紅館嘅價錢啦,要喺唱歌嗰面搵番。」軒仔又自爆平日有工作人員「湊」,不過今次難得請到大廚都要妥協:「真係要跪低,不過對我嘅工作係一個好好嘅沉澱。」但佢就話唔會向廚師方面發展:「你哋睇霆鋒咁,佢都學咗好耐,我都想有機會同鋒味合作。」
精選娛聞,喺晒《娛果》
http://fb.com/appledailyent