日本女歌手華原朋美曾經被舊愛小室哲哉捧成樂壇歌姬，可惜紅得快時亦跌得快，華原朋美歌唱事業急轉直下繼而自暴自棄，曾因濫藥一度放棄做歌手，5年前宣佈復出，但成績已今非昔比，去年底更傳出患病消息。

43歲嘅華原朋美一向熱愛騎馬，3歲起就開始學騎馬，因去年患病令佢重新練習馬術，華原朋美曾經勇奪全國日本大賽第四名，半年前佢亦出戰日本馬術公開賽贏得冠軍，令佢展開人生另一階段。華原朋美上月到德國接受短期瞓練，昨日已學成歸來，更獲教練大讚馬術精湛，揚言華原朋美大可參加7年後嘅巴黎奧運，不過到時華原朋美都已經50歲高齡。