韓劇《繼承者們》中飾演李敏鎬師兄嘅姜河那，下月會嚟香港宣傳佢同韓版《花樣男子》女星金素恩合作嘅鬼片《怪談少女》。

姜河那會喺下月2日抵港，先接受傳媒採訪，3日傍晚，就出席喺觀塘apm商場舉行嘅新片首映活動以及fans見面會，到時佢會同fans大玩遊戲，作近距離接觸，預計首映禮結束後，當晚飛返韓國，今次見面會嘅門票亦已公開發售。

《怪談少女》講述一位寂寞嘅少年（姜河那飾）同一位失憶少女（金素恩飾）相遇並成為朋友，之後一齊揭開學校發生嘅「血色口罩怪談」事件，以及同學連續失蹤案件真相嘅恐怖片。