被譽為球圈筍盤的東方龍獅港隊守門員葉鴻輝今午大婚，而婚禮受疫情影響令到籌備婚事過程出現很多變數，而經過這些困難，已是葉太的Christy今日特別感謝身邊這個男人。

葉鴻輝四年幾前在朋友聚會初遇Christy，之後約唱K慶生日，首次約會兩人傾足三小時，而Christy去年答允阿輝的求婚後接受訪問時說：「大家傾偈，但主要聽佢講，佢好多口水。」兩口子開始交往不久便雙雙現身球場觀戰，閒時最愛帶愛犬高菲到屋苑附近散步。

Christy形容阿輝在場內外是兩個性格：「場內佢好火爆，成日鬧人，但場外好斯文，好有禮貌，做嘢好正經，有時好搞笑。」兩人在疫情，籌備婚禮受到很多無法預測的事情影響，原先昨晚的婚宴也要延期。

完成儀式後，她在感謝家人及親友時坦言疫情籌備婚事面對好困難，感謝家人支持，包括哥哥楊正光、家姐及姐夫等協助，還要感謝身邊這個男人。她說：「籌辦婚禮過程好辛苦，防疫政策經常改，跟住要諗方法應對，有一日疲倦到不願講嘢，返到去見到佢，他默默地唔講嘢，只是擁抱住我，有他在身邊支持好重要，婚姻本應如此互相支撐，未來大小問題，互相支持，繼續落去。」

-----------------------------

《體蘋果》陪你睇波講波

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！