韓國出名唔少美女，至於係天然美女定人工美女，就真係好考大家眼力。

而噚日喺京畿道高陽市舉行嘅首爾汽車展，就吸引咗眾多龍友到場，事關有唔少打扮性感嘅車模喺現場大擺甫士，滿足龍友要求。不過當中一名車模就非常搶鏡，唔係佢樣靚身材正，而係......

麻煩視線向下移少少，呢位車模着咗一條貼身短裙，正面睇就好正常，但係佢個人一挨埋佢架車度時，佢個臀部就即時變形，屁股部位離奇凸出嚟，仲好似起角一樣，唔似正常嘅臀部。唔少網民睇到都話好驚，質疑佢係唔係整咗臀部，定係加墊墊大臀部，點知弄巧成拙令臀部變形。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。