當年今日
關於我們

【筍盤買少見少】日本國腳組索妻團 世盃美男武藤嘉紀 大島僚太已被私有化

蘋果日報 2018/06/21 07:30

世界盃長友佑都武藤嘉紀日本國腳柴崎岳大島僚太

世界盃進行得如火如荼,前晚日本隊對哥倫比亞以2:1取勝,雖然日本國腳數來數去都係長友佑都、本田圭佑、長谷部誠......呢班資深球員,種種原因下一班後起之秀暫時未能獨當一面,又難怪日本隊被指青黃不接。
查實一班日本國腳早已成家立室,長友佑都娶咗《20世紀少年》女星平愛梨後於今年榮升人父,兩夫妻相當恩愛,最近染金髮嘅平愛梨就與諧星好友齊穿日本隊球衣,隔住電視機抱住乖仔撐老公。至於身為隊長嘅長谷部誠,同樣都有個索老婆佐藤亞璃紗,二人結婚快滿兩周年,佐藤亞璃紗曾經與桐谷美玲屬於《non-no》皇牌model,不過上岸後已唔使再拋頭露面。就連31歲嘅槙野智章,今年初都宣佈同人氣日劇《朝5晚9》女星高梨臨註冊成為夫妻。仲有宇佐美貴史愛妻宇佐美蘭都係前主播,而原口元氣都有個前藝人老婆。
至於25歲靚仔前鋒武藤嘉紀都有個圈外太太,前年仲為武藤誕下囡囡。另一男神級隊員大島僚太,今年初宣佈已在去年成家立室,但仍無阻佢獲同鄉fans支持,被《ViVi》雜誌讀者選為世界遺產級美男球員第6位,險勝第7位嘅武藤嘉紀,而阿根廷嘅保羅戴巴拿獲選冠軍,基斯坦奴朗拿度(C朗)排第2位。
數到呢度,日本隊剩低嘅未婚筍盤真係買少見少,26歲柴崎岳熱戀《逃跑雖可恥但有用》索女真野惠里菜後,有指兩人於世盃後註冊結婚,令唔少女球迷都大嘆面臨失戀。

精選娛聞,喺晒《娛果》
http://fb.com/appledailyent
empty
日本多位國腳已婚,而且個個都係星級索妻。
empty
長友佑都已娶《20世紀少年》女星平愛梨為妻
empty
一家三口相當幸福
empty
染金髮嘅平愛梨前日穿球衣撐老公
empty
empty
槙野智章今年初宣佈同日劇《朝5晚9》女星高梨臨註冊。
empty
宇佐美貴史愛妻宇佐美蘭都係前主播。
empty
長谷部誠娶索模佐藤亞璃紗近兩年,桐谷美玲係佐藤老友。
empty
原口元氣都有個前藝人老婆。
empty
大島僚太被《ViVi》讀者選為世界遺產級美男球員第6位。
empty
可惜25歲嘅大島僚太同樣已婚。
empty
25歲靚仔前鋒武藤嘉紀都有個圈外太太。
empty
26歲柴崎岳同真野惠里菜都好事近。