32歲以色列女星姬嘉鐸（Gal Gadot）主演嘅新片《神奇女俠》（Wonder Woman）熱爆全球，為DC超級英雄電影挽回面子，更令姬嘉鐸上位成新一代影壇女神，唔少網民都發掘佢成名前片段，當中姬嘉鐸只戴bra夾嘴形嘅自拍短片就熱爆網絡，呢段片係佢走紅前拍下，性感之餘又火辣起舞，更誘惑地伸出舌頭，畫面令人噴血。

《神奇女俠》嘅香港票房已達3250萬港元，而北美方面於過去周末冧莊成票房冠軍，更多收5718萬美元（約4.46億港元），全球總票房累積4.35億美元（約33.9億港元）。至於湯告魯斯（Tom Cruise）主演新版《盜墓迷城》（The Mummy）上周五於北美開畫成績就未如理想，只收3224萬美元（約2.5億港元）排亞軍。

另外，楊千嬅亦都有睇《神奇女俠》，睇完仲喺Instagram激讚：「好睇到慌⋯⋯so inspiring#staystrong #fightforlove #believe #好型 #好鐘意佢呀#烈女 #好靚呀 #真女神」。