話說華華噚日去咗一個好似嘉年華咁嘅「社區節」，講緊嘅就係獅仔行舉行嘅「滙豐香港社區節」，喺中環遮打道同全港十八區都有各式各樣體驗遊戲活動同表演，畀市民一家大細齊齊放鬆吓！

滙豐副主席兼行政總裁王冬勝喺開幕禮致辭時就話，「滙豐香港社區夥伴計劃」由2012年起，資助超過1,000個項目，全港有超過350萬市民受惠。他表示，2017年推出的「校園社區大使」讓計劃拓展至教育界，今年有38間中學參加，超過500位年輕人聯同滙豐義工一齊為社區出一分力，可以培養佢哋服務社會的精神，亦為未來裝備自己、貢獻社會。

開幕禮後，作為主人家嘅王冬勝一行人就落咗去遮打道，沿路不斷有fans同王生擊掌，場面幾咁熱鬧。完咗開幕禮，華華見到在場嘅大小朋友玩得開心。

查實香港之外，滙豐社區節已經拓展去到珠三角，今年廣州同佛山都有份搞，唔知嚟緊會唔會衝出中國、進軍海外呢？

李華華
mailto:[email protected]