【本報訊】一名邊罵警察邊拍片的中年男子，片段在網上瘋傳後，被「藍絲」起底滋擾。近日網上瘋傳一段短片，顯示有大批防暴警鎮守在一間餐廳外，一名落街食燒味飯的大叔深感不滿，無懼被濫捕的風險在警察面前用粗口狂鬧警員，有警察質疑他並非食客，他就大叫「叉雞飯啊×你老母！」不少網民大讚大叔真勇武，字字鏗鏘。

防暴警擋路惹不滿

該段影片由大叔本人拍攝，時間估計是9月15日「自由行」當晚。片段顯示，「叉雞飯」大叔本欲前往灣仔一間燒味餐廳食晚飯，門前卻有一批全副裝備的防暴警，大叔邊拍攝邊質問警員：「食唔食得呀呢度？……我以為唔×食得咋。你閘×住喺度點食呀？」警察示意他進入餐廳，但大叔不滿意，怒罵警員：「反胃㗎嘛你企响度！」一名便衣警員立即趨前，大聲呼喝他離開，大叔卻回贈一句：「關你×事咩我食唔食飯！」隨後他邊走入餐廳，邊繼續用粗口斥責警察干涉他食飯的權利，又高聲點餐：「叉雞飯呀！」有警員打開攝錄機向店內拍攝，惹來更多食客不滿，質問警察：「你可唔可以唔好影入嚟啊，街坊食緊嘢啊？」

另一段影片則顯示大叔拿着凍檸茶，在門口繼續聲討，「阻住市民食飯嘅一班狗×」。影片獲得最少一萬個分享，但同時大叔亦被起底，其個人資料甚至家人照片都在撐警群組中流傳。記者曾嘗試接觸大叔，但他表示因飽受「藍絲」騷擾，暫時不方便詳談。日本食品雜貨店道の駅亦被誤以為由大叔所經營，店方昨因收到大量攻擊性留言，在其專頁發聲明澄清與「叉雞飯」大叔無關。
■記者關冠麒