自從安志杰與謝婷婷分手後，因拍電影《屍城》而戀上混血模特兒Jessica C.（JC），二人公開戀情後經常大晒甜蜜，JC直言男友是她的Mr. Right，早前出席活動更自爆希望等男友有多點時間籌備婚禮，不介意等45歲先結婚。不過計劃似乎有改變，昨日JC與安志杰以情侶檔在尖沙嘴出席醫學美容的活動，公關於活動前透露他們將會有喜事宣佈，其後二人手拖手現身，JC一貫大晒警鐘胸，不過見她肚凸凸，孕味極濃，安志杰亦全程對女友呵護備至，二人不時甜蜜依偎，儼如婚禮般甜蜜。

諗過下月結婚

在活動尾聲更安排了一個小朋友與他們合照，訪問期間，大家恭喜二人，安志杰扮儍地說：「恭喜我？我知喇，因為我啱啱拍完三個月嘅戲，𠵱家可以休息。」活動上安志杰表示到了內地照顧拍劇中的女友，問到JC是否身體不適？他笑說：「我好掛住佢，想上去陪佢，所以咪陪佢一個月喺佢身邊照顧。」笑問他是否在這一個月內努力造人，他全程笑而不語。
後來，又問到JC為何肚凸凸？她笑說：「我喺內地工作需要好多能量，每日開工要十四個鐘，所以食多咗飯。」再問他們是否怕小器而不承認有喜？安志杰直說：「係。」他亦透露有結婚計劃，但在旁的JC稱希望有驚喜：「下個月我哋會去旅行，係慶祝拍拖一周年，我哋會二人世界。」笑問到時會否順道結婚？安志杰大方地說：「有諗過，但係我未求婚。」談到有否心理準備做父母？他們說：「我哋視大家係理想對象，相信到時會係一個好爸爸和媽媽。」至於懷孕期間又會否停工？JC說：「如果有呢一日，我都希望可以平衡愛情、工作同家庭嘅生活，做媽咪同太太兩樣都想。」安志杰亦稱待旅行回港才會公佈好消息。
採訪：卓寶花
攝影：仇志德