喺周六新西蘭國家隊「影子二軍」Maori All Blacks對英國、愛爾蘭聯隊British and Irish Lions賽前,新西蘭一方召集超過7,700人喺當地城鎮Rotorua齊齊跳上為時5分鐘嘅戰舞,亦獲得唔少Lions球迷響應,就算初學者動作「cap cap哋」一樣玩得投入,最終亦順利打破法國喺2014年造出4,028人嘅紀錄,場面認真震撼!有當地居民亦不諱言,認為呢個紀錄必須由毛利人保持。
不過,有氣勢唔係大晒,作客嘅British and Irish Lions周六以32:10擊敗Maori All Blacks,巡迴之旅5戰暫時取得3勝2負,佢哋餘下仲有5場賽事,包括3場火併新西蘭國家隊嘅重頭戲。