占士邦丹尼爾格基（DanielCraig）早前接受訪問嗰陣，曾講過拍埋呢集邦片《007：鬼影帝國》（Spectre）可能未必再做占士邦。今個月尾來港嘅「狼人」澳洲男星曉治積曼（HughJackman）日前接受節目《TheProject》訪問嗰陣，被粉絲問有冇興趣做007嗰陣，佢話：「我會慎重考慮。」

佢透露8年前曾經被邀請去演007，但係當時因為要拍《變種特攻2》（X-men2）所以被逼拒絕，所以如果今次再有機會佢未必會放棄。其實曉治着起西裝上來好有型，加上佢一身嘅肌肉，絕對唔輸蝕。之前都有搵過澳洲男星扮演英國特務007，1969年澳洲男星佐治拉辛比（GeorgeLazenby）演出《鐵金剛勇破雪山堡》（OnHerMajesty'sSecretService），不過佢只係扮演過一次占士邦。