Do姐鄭裕玲今早喺ig終於還番吳若希一個「全身」，貼噚晚喺台慶嘅「完整」合照之餘，仲tag埋「吳若希」、「全面人」；不過衰衰嘅許廷鏗同胡鴻鈞就扮吳若希擺出對方嘅經典攝位甫士，抽水抽到盡喎!

今日「萬能key」吳若希去到銅鑼灣出席綠色音樂會活動，笑佢俾Do姐稱呼為「全面人」，若希開心地謂:「終於全面，我申請咗好耐，Do姐話『全面人』真搞笑。」但許廷鏗同胡鴻鈞扮佢做「攝石人」擺甫士喎……可吳若希笑道:「好冇人性0架，我嬲。其實大家係好玩。」但有新相後未必有萬能Key效果，佢就話:「隨機！影相時冇諗過。」

另外，吳若希為雜誌封面影相，抽水話可以將佢嘅口頭蟬「好打耳」列入牛津詞典新詞語，吳若希就話:「有啲詞語可以屬於一個人，例如之前Chok！好打耳就屬於我，開心大家鍾意呢個字。平時我同屋企隻狗講野用嘅字眼係BB話，本身拍嗰時冇諗過會剪輯喺個節目。」