紅極一時嘅工藤靜香近期頻頻曝光，為紀念單飛發展30周年，除咗推出相隔12年嘅全新原創專輯《凛》，又積極上唔同電視節目造勢，噚晚更展開其30周年巡迴演唱會。

47歲嘅工藤靜香嫁俾木村拓哉後是非不絕，但今時今日仍獲一班忠實歌迷擁戴，已有5年冇開巡唱嘅木村嫂，呢次首場個唱喺東京台場Zepp DiverCity舉行，兩小時內獻唱31首歌曲包括《禁斷的Telepathy》、《來自唇邊的媚藥》、《戀一夜》及《慟哭》等名曲，當然唔少得新碟內嘅作品，台下1,200觀眾企足全場投入支持，靜香聽日會到名古屋開騷，之後再舉行大阪站演出。