【會過去的】古明華憶述人生低潮 不求人靠自己捱過去
蘋果日報 2020/06/12 13:00
古明華敖嘉年ViuTV中佬唔易做
（電視截圖）
麥長青、古明華（古佬）、張松枝、袁富華、艾威及敖嘉年參與的ViuTV節目《中佬唔易做》，要他們體驗中佬轉工的危機及難處，昨晚播出第6集。
敖嘉年試做電單車速遞員，他憶述兒時曾到爸爸工作的酒樓幫手盛飯，放假時與朋友做洗頭：「洗幾日隻手爛晒，但係生活好開心，成班o靚仔就係咁過。」前晚他送外賣時，遇上由ViuTV藝人譚凱倫（Helen）飾演的刁蠻客，Helen事後大讚對方表現淡定：「佢全程都冇嬲，因為我對佢都幾惡，不過佢保持到佢嘅威嚴，不失霸氣。」同事亦讚敖嘉年的工作表現有80分，認為他肯學肯做。
敖嘉年表示從未想過自己的中年危機：「我覺得係唔同階段，要搵返做乜嘢啱呢個階段，因為我份人唔可以懶，要諗吓邊樣要做好佢，唔做好就冇安全感。」緊接他在冇同事陪同下單拖送外賣，但發現手機沒電：「我仲諗住去買叉電，點知工作人員話便利店有得借叉電。好耐冇試過咁緊張，但係過癮，比預期中辛苦，因為好多即場問題要解決，平日我份工唔會接觸到咁多呢啲嘢。」
古佬亦體驗麻煩客人，當然亦是ViuTV安排，小占飾演的麻煩客要換貨又要自拍等，小占更搞笑問他是否「做電視嗰個古明華」，又問他是否為ViuTV拍節目，小占說：「係咪即係77台呀？」古佬竟然附和並說：「類似嗰啲啦，我自己都冇睇。」經過一日銷售員工作體驗，古佬直言：「好唔慣，我諗我半年夾埋都冇企過7個鐘，今日真係企到腰都攣。」他提到數年前曾患肺結核，女兒本身是長期病患，加上太太亦生病：「嗰時係我人生幾十年來，最低沉最低沉嘅階段。去到某個位，最唔好會過去，希望在明天，太陽始終會出嚟，因為我試過。就算幾微薄都好，唔好要人幫住，只要有能力應付，捱都要捱住先。」
有網民笑古佬誤把ViuTV的99台指是「77台」，留言直指「有啲數字唔錯得」，亦有網民不滿敖嘉年於節目中，用大陸慣常用語「充電寶」來形容叉電器。
小占整蠱古明華，誤導他把99台說成77台。（電視截圖）
古明華與太太及女兒感情甚好，互相支持。（IG圖片）
敖嘉年把「叉電器」講成「充電寶」。（電視截圖）
在街頭吃飯難不到敖嘉年，因為平日拍劇亦是如此。（電視截圖）