韓國tvN節目《名單公開2015》噚晚播出最新一集，今集就評選咗今年度過黃金期嘅明星，除咗計算佢哋嘅收入外，亦有統計佢哋今年嘅人氣同埋獲得嘅獎項等。

當中韓國天團BIGBANG今年合體出碟又開世界巡迴演唱會，無論曝光率同埋吸金能力都十分驚人，當中佢哋今年合體就狂賺1,500億韓圜(約9.9億港元)，當中包括專輯同音源就創下咗115億韓圜嘅銷售額，而喺15個國家，70多場嘅世界巡迴演唱會嘅收入就達1,400億韓圜，今年就狂賺咗成1,500億韓圜，認真厲害。而BIGBANG憑住驚人嘅吸金能力，就喺今年度過黃金期嘅明星排名第三位。

至於冠軍就由人氣男星劉亞仁奪得，雖然佢吸金能力就唔夠BIGBANG，但佢係影視兩邊都發展得如魚得水，又封咗做青龍影帝，所以成功得冠軍，而亞軍就由今年韓國最賣座電影《燥底師兄生擒富二代》嘅黃正民奪得。

其如有份入圍嘅韓星仲有人氣劇《Oh我的鬼神君》嘅朴寶英，《她很漂亮》嘅黃靜茵同朴瑞俊等。