莊思敏、陳蕊蕊、黃建東、許嘉浩（Karl）今日到灣仔出席一間娛樂公司活動，莊思敏近年兼顧埋幕後，有機會同呢間娛樂公司合幕前或幕後合作，佢話：「如果做幕後就會做統籌或出品人，幕後同幕前好唔同，要花長時間溝通同配合，所以佢近日都要四出去社交圈子識人。」雖然傾工作會識到唔少男士，但莊思敏就話：「大多數都結咗婚，未發掘到合適筍盤，工作還工作可能會食吓飯，做嘢最緊要公私分明，唔好將私人感情擺喺公事上。」但佢亦承認有已婚男約，佢話：「唔係開到口講到話追我，就當佢係普通對我好，唔好存在太多幻想空間，例如打吓電話俾你又幻想就唔好啦。」

陳蕊蕊忙於籌備今年美人魚訓練活動：「估計11月會進行比賽，o依家不斷訓練考潛水教練牌，經常落水皮膚黑咗好多。」要發展美人魚，陳蕊蕊話喺大陸容易過香港：「大陸人口多，香港女就怕曬黑。」另外，黃建東比之前瘦咗，佢話稍後要開拍新劇，應監製要求減磅，近日狂做gym，由着加大碼衫變咗大碼，希望練到腹肌可以出鏡。

精選娛聞，喺晒《娛果》
http://fb.com/appledailyent