【本報訊】iPad2炒價水位雖低，但毋須受合約困身，吸引大批市民掃貨賺差價，不少年輕人甚至組隊分攻不同銷售點，一行六人手持十多部機到先達放貨，平均每人賺得逾千元，有賣家笑言「早放少擔憂」，「咁多人放機，真係唔知個價會去到幾低」。

青年組隊買機

部份掃貨青年事前做定研究並於網上「收風」，了解哪個型號回收價最高，當得悉豐澤及百老匯兩大銷售商只限購一部後，眾人昨早先到銅鑼灣時代廣場9樓、每人限買兩部的銷售商DG排隊入貨，約一個半小時有人得手後，即跑下電梯到位於7樓、人龍明顯較少的百老匯再排隊購買另一部iPad2。記者現場所見，最少一行四人成功以此手法購入三部回收價最高的64GB3G機，並隨即乘車到先達放貨，每部淨賺500元。
一來一回即賺數百，叫婆婆也瘋狂。與回收商做訪問期間，一名婆婆進店舖表示要放貨，500元袋袋平安，收錢之際她才詢問回收商：「其實呢部咩嚟？你可唔可以寫低畀我睇邊個號碼先賺得多？」記者其後發現婆婆滙合了一名中年男子及另一名婆婆，到先達旁的百老匯再接再厲，排隊購買iPad2。