早排喺韓劇《Oh我的鬼神君》中演出生鬼嘅朴寶英形象一向清純，不過佢噚日擔任電台節目《朴素賢的LOVEGAME》嘉賓時，卻自爆因為拍電影《熱血青春》而開始學講粗口，到後來再同李光洙合作電影《突然變異》時就更加流利，佢好擔心咁樣會變成習慣，準備戒咗佢。

朴寶英說：「當時拍《熱血青春》因為角色需要，所以就喺屋企練習爆粗鬧人，但係一起生活嘅姐姐唔鍾意，所以就改咗自己揸車時於車廂內練習。」佢話當時自己駕駛技術麻麻被人鬧，不知不覺間就開始發火，於是佢趁機走去錄音，第一次係有意識地演戲，但隨着時間流逝，佢已經可以自然地爆粗。

到後來拍攝《突然變異》，朴寶英自覺爆粗程度已經提升，佢先察覺到唔單止拍戲，鬧人也變成生活化，所以佢驚自己變成爛口妹，準備戒掉呢個壞習慣。