早輪,亞Mark提到韓國現代汽車(Hyundai)來年香港嘅代理權,加入代理開德國平治(Mercedes-Benz)汽車嘅仁孚行競爭後,惹來不少外間揣測同竊竊私語,話究竟仁孚行是否鬧着玩,而且又會有幾多誠意呢?
查實,據亞Mark所知,早年另一間韓國車廠起亞(Kia),想重新打入香港市場前,仁孚行亦曾派員洽談競逐代理權,惟廠方有感仁孚行手握平治代理權多年,恐怕顧此失疲下無暇兼顧起亞汽車在港嘅銷售業務,因而只好另覓人選。
然而,聽聞今趟仁孚行再度出擊,對手現今就只剩得森那美集團;響佢哋龐大資源及人力物力作後盾外,據知仁孚行某位汽車部高層,重會響嚟緊7月順道到訪南韓現代汽車集團,咁你話佢哋又有幾大誠意吖!