《蘋果》行差踏錯，永遠四處烽火。一份報紙，以道歉聞名，到底是好是壞？道歉，不等於可以洗去污名，《蘋果》12年至今，依然「公信力第七」。但肥佬變了，面對過錯，除了道歉，他說，要多一份謙卑。謙卑？過往真的沒聽過。

港要有空間表達不同意見

肥佬黎旗下的刊物，捍衞民主自由，也維護血腥鹽花，教人既愛且恨。時至今日，大學的傳媒倫理課，仍然少不了「陳健康北上尋歡」一節，學校訂報紙，總不會有《蘋果》的份兒。肥佬說，外間一直對報紙有很多批評，「有時做嘢係過咗位，犯咗錯誤，但每次錯誤中，我哋都有勇氣承擔，好似陳健康件事咁，我哋都道咗歉，我哋𠵱家少啲血腥，好咗好多㗎喇，會不斷改善唔會停。」
是「改邪歸正」？是「發財立品」？「人誰無過，我哋每次都吸取教訓，有勇氣，好謙卑咁去面對，對自己算係有交代。」至於對手的長期抹黑，肥佬從不反駁，從不理會，因為最近很流行說「公道自在人心」。
他認為，十年來壹傳媒對傳媒生態的影響，首選是「增加競爭」，「啲報紙進步咗，好睇咗，更加接近讀者需要，但係最終係好係壞應該由public（公眾）去講，唔係由我去講嘅。」
他最自豪的，是集團旗下刊物立場一貫，「啲同事無論受咗幾多壓力，面對外面啲alienation（疏遠）、歧視同杯葛，都盡好本份做好工作，亦都因為呢樣嘢，香港有一塊自由空間表達不同意見，香港今日係需要一塊咁嘅空間，我哋盡咗本份。」

後　記
「唔使坐監，我都好開心」

為了生存，肥佬黎做了很多，「去台灣好辛苦㗎，尤其係我啲國語「咁勁」，不過我唔後悔，呢段經驗令我人生豐富咗，雖然我啲國語今日繼續好勁（一笑），勁到點呢？我見嗰邊壹仔《壹週刊》啲同事睇香港節目，問佢哋點解聽得明，佢話，你同我哋講『國語』，講咗四年，點會唔識聽吖！」
過去10年，肥佬覺得算是愜意，「堅持到今日，都好開心，唔使坐監，我都好開心㗎喇！」肥佬看來樂觀，但他也知道，自己的夥計上大陸採訪猶如做賊，2008年北京奧運採訪「唔係可以期望得到嘅嘢」，說到在大陸種「蘋果」，他搖搖頭，自言很遙遠，「我成60歲喇，仲夢想？你估我16歲咩！」
至今，他仍然申請不到回鄉證，即使用英國護照也拿不到簽證，但回鄉的心情，不及一些民主派人士急切，「上海冇巴黎咁靚啩，北京冇羅馬咁正啩、廣州冇曼谷咁過癮啩，冇乜想返去喎，都冇乜需要返，佢俾我返，我估我都未必返住，最多咪返去食吓嘢，返去行吓都好嘅。」