當年今日
關於我們

行超市:
惠康入貨特價兼欏贈品

蘋果日報 2002/05/04 08:00


有贈品類
飄柔洗頭水送多用途袋
髮質是乾性的朋友,頭髮乾旱之餘,頭皮又因為太乾而會產生頭皮屑,搞到唔知要點護理好。這隻飄柔的去頭皮洗頭水便最啱用,因為佢加添咗深層焗油成份,加倍護理乾性髮質。而𠵱家買大支1000毫升裝的更加有多個同支洗頭水同價的精美多用途袋送。洗頭水是日常必用品,都唔怕買大支啲。
售價:$69.9/支
(送原價$69.9多用途袋)
刀嘜花生油買三送一加個盒
講到開門七件事,除了米,便要算油的消耗最快。所以最好趁有特價時便入定多啲貨。好多人都鍾意食花生油多啲,因為味道比較香。而刀嘜花生油有特別優惠,買三送一,特價$68.8便買到四支900毫升裝的花生油,更有一個花形的精美密實盒作贈品。
原價:$83.2/四支
特價:$68.8/四支
買美極送珍珠米
醬油是每餐必備的調味品,無咗佢真係唔成事。𠵱家買大支裝的美極醬油兩支裝,更多送一包金象牌珍珠米。珍珠米飯味香又圓圓的很有質感,都好多人鍾意食。而呢包珍珠米都唔算細,有成一公斤。如果是較少在家煮飯的朋友,分分鐘唔使另外買米都夠食好耐。
售價:$21.9/2支裝
(送1公斤珍珠米)
礦物質飲品買大送小
去旅行時總要買定啲大支裝的清水,現在Bonaqua的礦物質水推出了特惠裝,兩支1.5公斤大支裝再加一支330毫升的細支裝,加埋十蚊都唔使,認真抵買。
售價:$9.9/套
2支1.5公升及1支330毫升
買油米麵送即食麵
本周五、六、日有特別優惠,買滿$30的米、油、麵貨品,便可免費獲贈四包四洲紫菜湯麵,每包麵原價要成$2.4/包,現在買其他必需品就連買即食麵錢都可以慳。
李錦記XO醬送優雅茶匙
XO醬材料名貴,售價也一向偏高,最適宜便是在有特價的時間買定多幾樽,可以擺耐啲。李錦記推出的精美禮盒裝,內有一樽80克的XO醬,更附送一隻不銹鋼茶匙。現在更有特價,當然要入定多幾樽。
原價:$53.9/盒
特價:$33.8/盒
超抵買貨品
子母高鈣奶平$29.1
子母奶類產品大家都很熟悉,除了小朋友,其實大人,特別是婦女和老人也應該多飲奶來補充鈣質。這隻大裝的子母鈣美健高鈣奶粉,一罐有成1800克,特別加入了更多的鈣質和鎂質,多飲可加強骨骼健康。現在特價更可平近三十蚊。
原價:$129/罐
特價:$99.9/罐
碗裝伊麵四種口味
公仔出品的碗裝伊麵現正做特價,四種口味的即食碗麵買四碗只要十元。平日每碗要$3.5,現在平均只要$2.5,更加抵食,最啱買來看門口。伊麵有四種口味:紅燒牛肉、海鮮、黑椒雞肉和七味辣菜。
原價:$3.5/碗
特價:$10/4碗
泰國米平$13
泰國米是日常最普遍食用的米之一,飯味和質地都頗適合香港人食用。日日在家煮飯的家庭,食米都會去得幾快,所以不妨趁有特價便定多兩包。這隻泰國的好運牌香米,每包五公斤,經真空處理。足足比平日平了十三蚊。
原價:$42.9/包
特價:$29.9/包
紅毛丹夏天合時
夏天水果紅毛丹,味道清甜,但售價都有點貴,趁特價去買會抵食啲。現在紅毛丹就正好有特價,原價$14.5/磅,特價就賣$9.9/磅,紅毛丹都唔算重秤,買一盒都唔貴,都幾抵食。
原價:$14.5/磅
特價:$9.9/磅
喜力十二罐裝平$33.8
世界盃重有唔夠一個月就到,男人睇波最鍾意呼朋喚友到家中一齊睇,現在趁世界盃未開始,便要作好準備,入定啲必備品。必不可少的啤酒價錢唔平,而𠵱家喜力這受歡迎牌子更有大特價,十二罐裝平了三十幾蚊,小數怕長計,多買便會慳唔少。
原價:$118.8/12罐
特價:$85/12罐
皺皮瓜平$7
夏天食瓜果便最消暑清熱,成日食西瓜,也可轉轉口味,試吓食皺皮瓜。皺皮瓜一個都要成二十多元,而啱啱現正有特價,正好可以買個回家試吓啱唔啱口味。皺皮瓜肉質爽脆,但無西瓜咁多汁,更可用來做沙律。
原價:$26.9/個
特價:$19.9/個