龔嘉欣今日喺灣仔代言嘅餅店進行簽約儀式，續約3年，兼是正日生日，雙喜臨門。餅店特製頒獎禮獎座蛋糕，祝福佢喺頒獎禮得獎，仲感動到喊出嚟。喊出個未來嘅佢，因劇集中慘烈痛哭人氣急升，佢話：「好多前輩都send生日祝賀信息俾我，都祝我頒獎禮得最佳女配角獎，好感動。希望少少成績，如果得獎送俾爺爺嫲嫲，等佢哋唔使擔心我。」

另外，龔嘉欣o依家同姚子羚一齊住，佢嘅生日願望係可以置業能有自己嘅家，即時就被笑佢買「孤婆屋」，佢話：「唔係呀，唔好咁講啦！我只係想有個安樂窩。」佢仲話o依家每日都有嘢做好好，所以太忙冇時間想拍拖。