要做F1車手認真唔簡單，港產90後車神方駿宇周一去完牛津體育中心訓練，今日就以蓮花實習車手帶記者直闖蓮花總部，在HumanPerformanceCentre接受蓮花車隊教練DavidThompson嘅體能訓練。

咪睇訓練中心外面成個別墅咁，入面其實堆滿器材，實行練到你無氣唞。方駿宇先跟教練做五組熱身動作，因之前比賽後筋肉緊晒，只做熱身已經成頭大汗。之後佢再做咗反應訓練，最後就做車手必備嘅頸部訓練。睇佢拎住8公斤嘅啞鈴，模仿賽車姿勢扭軚盤，之後再坐上neckmachine練習。周一練完高強度訓練，今日再做車手專項訓練，方駿宇都忍唔住叫辛苦：「今年先開始喺呢度訓練，每樣器材都較為專業，自己訓練上仍要適應一下，特別係呢度有唔少重量訓練，希望可以加強自己嘅實戰表現。」