【本報訊】大劉昨日接受《蘋果》專訪，提到已分手的呂麗君均表現勞氣，但說到另一紅顏知已，大劉不時流露愛護之情，更指他已為甘比作好一切打算，預留幾十億予她，好讓日後呂麗君要爭取任何東西時，讓甘比有錢與呂麗君打官司，還叮囑甘比不要退縮。

大鬧「唔知點教仔女」

大劉說：「甘比從來冇問我要錢，我覺得佢抵錫，所以我自動自覺畀錢佢，𠵱家我健康ok，所以我就要即刻出聲明，亦要為自己嘅將來做好準備，亦要為自己嘅仔女做好準備，我已經畀咗幾十億佢（甘比），呂小姐將來如果要爭取任何嘢，等佢同仔女可以同佢打（官司）到底，唔好讓呀！」
他又讚甘比是賢妻良母：「呢幾年我病，都係佢不辭勞苦咁照顧我同仔女，呂小姐同佢啲仔女都只嚟一次，冇同我有乜聯繫，8月嚟過我office 5分鐘，扮同我詳談，跟住就喺後門走咗！其實呢幾年邊有睇過我。」提到他與呂麗君所生的一對仔女，大劉即表示痛心：「個女（秀盈）見到我，招呼都唔打，你話我痛唔痛心？我都唔知佢點教仔女！」
《蘋果》記者